Marinestasjon Pearl Harbor

Marinestasjon Pearl Harbor Naval Station Pearl Harbor
militêre basis
In loftfoto fan it Marinestasjon Pearl Harbor, mei yn 'e midden Ford Island.
algemiene ynformaasje
type basis	marinebasis
besit fan	Amerikaanske Marine
stifting	1899
sluting	2010
geografy
lân	Feriene Steaten
steat	Hawaï
county	Honolulu County
oerflak basis	5.304 ha
hichte	1-6 m
koördinaten	21°21′50″ N 157°57′37″ W
neiste plak	Pearl City (Hawaï)
oar
tiidsône	UTC –10
simmertiid	gjint
webside	www.cnic.navy.mil...
kaart
Lokaasje yn Hawaï.

It Marinestasjon Pearl Harbor (Ingelsk: Naval Station Pearl Harbor) wie in militêre basis fan 'e Amerikaanske Marine oan 'e súdlike kust fan it eilân Oähû yn 'e Amerikaanske steat Hawaï. De basis omfieme it grutste part fan 'e lagune Pearl Harbor, en lei deun bewesten de Hawaïaanske haadstêd Honolulu. It Marinestasjon Pearl Harbor waard op papier yn 1899 stifte, hoewol't it yn 'e praktyk pas jierren letter yn gebrûk nommen waard. It rekke wrâldbekend troch de Japanske Oanfal op Pearl Harbor, wêrby't op 7 desimber 1941 troch in ferrassingsbombardemint in grut part fan 'e Amerikaanske Pasifyske Float útskeakele waard, wat de Feriene Steaten by de Twadde Wrâldoarloch beloek. Yn 2010 gie it Marinestasjon Pearl Harbor mei de oanbuorjende Loftmachtbasis Hickam op yn 'e Mienskiplike Basis Pearl Harbor-Hickam.